A hmasa ber ah chuan ka thuziah ho te min ngaihhlut sak a i lo chhiar ve duh avang in lawmthu ka hrilh che a, chuan he Thawnthu hi 2012 vel daih a ka ziah kha ani a, a thawnthu hi zirtir nei tha leh ngaihnawm tak pawh a ni lem lo a, mahse ka tleirawl chhuah a ka lo tui pui ve em em mai ani a, a ziak ka lo la kawl tha ve leh thlap bawk si nen ho mai mai a han ral tir ngawt ah chuan ka ui ve deuh a, ka han thai hnawk ve leh ta tawp mai ani, i beisei ang leh i rin ang a phak dawn lo tih ka hria a, thu thiam mi ka ni lo a, bak a tleirawl chhuah hlim tak tak a ka ziah lo a ni ve leh kher bawk nen a ngaihnawm viau lo mai thei bawk ani, nimahsela min lo ngaihhlut der sak ve duh tlat anih chuan chu tluk a ka tan a hlu a awm bik chuang lo e.Ka lawm lutuk e..
PHATSAN NA
Biakin atanga kan chhuak chu kan nuih a za hlawm hle mai a, Davida hla sak sual kan nuih nasa hlawm hle a, Gabriel chuan "Lawm in nakin ah kan in tawk ang' tih tur te 'Lawng in nakin ah kan in tawk ang' han tih tlat pek mai chu" a ti a, a nui nasa leh zual bik hle a, David lah pek chuan "Aw kan unau UPC lam pawn Zion lawnglian an sawi an sawi a a awm ang ve tho alawm le" a lo tih zawm nghal zawt a, a tuk lawk a exam tur kan nih chu kan hre chang tawh lo reng reng a, BJa chuan hawng a lehkha zir a duh thu a sawi chuan kan hre chhuak ve leh hlawm chauh a, Lehkhazir tur chuan mahni in lam kan in pan san ta hlawm a, In ka thlen ve leh chuan ka bialnu Jennifer chu Lehkha ka zir dawn thu chu text in ka hrilh a, ka in thlak a ka phone chu charge in lehkha chu ka zir ve leh tan ta mial mial mai a,rei vak lo ah chuan ka phone chu a lo ri ral ral a, ka va en thuai a Jennifer a lo nia rang tak chuan ka pickup ta thuai a. Jennifer chuan rang tak a an in a phei vat tur chuan min rawn ti a, phone pawh chu a dah leh nghal mai a, lehkhazir chu duh viau mahila Jennifer hi ka bialnu leh ka thiantha ber ka engkim ang hial a ka ngaih ani a, mi rawn biak dan ah khan a pawimawh hmel ang reng viau mai bawk si a, rang tak chuan an in lam pan chuan ka tlan chhuak ta nghal a, an in leh kan in hi a in hlat vak lem lo bawk a ka thleng phei rang khawp mai, kawngka chu ka kik dawt dawt a, rang tak chuan min lo hawn nghal vat a, "i rawn va thleng phei rang ang reng ve" a lo ti a, mahse eng emaw dik lo chu awm tlat a hriatna ka nei a, mahse eng nge dik lo ber pawh chu ka hre thei chuang lo a, "Duh ber ten min koh te chuan kan tlan nghal lawp lawp mai alawm kan muang ngam tawh reng reng hleinem" ti chuan ka chhaih zui nghal zat a, mahse nidang a ang lo riau vawiin chu ka chhaih pawn a nui miah lo mai, nidang ah chuan ka chhaih chu sawi loh kan in hmuh ringawt pawn a nui hmel ngainat awm em em mai leh a biang sum hmuh hmaih theih miah loh chu ka hmuh hmasak ber ani thin si a, mahse khang kha vawiin chu ka la hmu miah lo mai, ni e ka luh tirh a thil dik lo ka hriat pawh kha kha kha ani tak ang, phone a min lo biak dan atang te tun a a hmel awm dan te atang chuan a thu min hrilh tur chu eng pawh ni se thu lawmawm lam chu a ni lo tih chu a hriat theih nghal tan ruai a, "Junior" a ti hman awrh tih ah chuan a nu leh pa te inkhawm bang chu an lo haw a, a nu chuan "E kha i lo leng ani maw , tunlai chu i va reh ve a, i reh lutuk a i thiannu hlim hmel pawh kan hmu ngai mang hleinem" tichuan mi rawn fiam nghal bawrh bawrh a, Jen nen hian kum khat dawn kan in zui ve tawh a, naupang chhia lutuk kan ni tawh bik lo bawk nen kan chhungte ve ve pawn an hre tawh a, a nu leh pa pawh hi keipawn ka nel ve tawh hle ani, "Nia tunlai chu exam te a ni bawk si a, pawn ka chhuak vak lo mai mai mawle" ka lo ti ve nghal thuai a, Jen chuan a room lam ah lehkhazir chuanlam chuan min hruai lut ta nghal daih a, a khum ah chuan kan thu dun a, lehkhazir ka la ngaih a vang chuan a sawi duh chu sawi vat vat a haw leh vat ka duh thu chu ka hrilh a, mahse sawi tum hmel pawh chu a la pu bawk si lo, kei chuan ka lo tur ve deuh chhen bawk a, diklo a awm leh awm loh te amah a that leh that loh te chu ka zawt a, mahse min chhang chuang bawk si lo, bialnu mahni se kei a thinchhe chi ka lo ni ve kher bawk nen ka tawngkam pawh a dam lo sawt khawp mai, mahse a biang a a mittui luang a hru ru zeuh lai ka va hmuh chuan rang tak chuan ka va hnaih vat a, "Ka tihpalh ani, tunlai chu ka lehkhazir ka mengrei ve thin deuh a, ka chau deuh aniang , vin che kha ka tum ani miah lo ania" ka tia ka kuah ta nghal a, Jen hi hmeichhe fel tak rilru no tak ani a, a bik in a nu leh pa leh ka hauh hi a haw zual bik thin amaw tih mai tur ania, chuvang chuan ka vin deuh vang khan a mittui kha tla ah ka ngai a ka in thiam lo hle a, mahse Jen chuan ka kuah na kut chu min dah thlak sak pah chuan "Junior ka rai" a ti ta mai a, ka hamhaih a sawi tur ka hre lo, inngaizawng rei ve viau tawh mahila ka hmangaih em vang hian a taksa hi khawih chhiat sak tum na leh duh na ka nei ngai lo a, vawi khatmah sex pawh kan la hmang dun hek lo, a bialpa ka ni a, sex ka la hman pui miah lo a, mahse a rai bawk si, mak ka tihna leh ka thinlung na su dup dup mai te leh ka thinrimna te chu thinchhe ve tak e ti lo chuan ka thunun ve thei mai a, mahse sawi tur ka hre thlawt lo ani, Jen chuan "Eng tin nge ka awm dawn pawh ka hrethiam tawh lo" a rawn tih leh chuan "a in fiamna chi loh emai a, i i bialpa ka ni a, mahse vawikhat mah sex pawh kan la hmang dun lo a, eng tin nge i rai ngawt theih ang? Tun a ka awm dan te kha i hre lo anih kha tiang kha chuan in fiam tawh lo teh ang" ti pah chuan za vak lem lo chuan ka nui lui deuh sak a, mahse a fiamthu ah mai mai ngaihsak mahila thil ngai thutak hma tak mai ka nih vang chuan ka lo nat pui hman hle tho mai, Jen chu a tap chhuak ta nghe nghe a, chu tah zet chuan a fiamthu lo tih chu ka hrethiam tawh chiang hle mai a, mahse ka thinlung chuan a la pawm thei si lo ani, Hmangaihna hi chu a mak ngawt mai, a thil hriatchian sa pawh ring lo in a Hmangaihna ngawt chu a ngaihtuah leh a rin ber chu a ni miau mai si a, dawt emaw thu dik pawh chu lo ni se, tun a zawh fiah leh hrechiang nghal mai tur chuan huaisenna ka neih zawh ngang loh avang chuan "ka haw phei dawn nia, lehkhazir ka la duh a" tih leh a room a tang a chhuah chu ka rual ta nghal a, a nu leh pa chuan sitting room lam ah thingpui in pah chuan tv an lo en a, "kha i va haw leh hma dawn ve, thingpui te rawn in ve leh phawt ta che" tichuan a nu chuan min lo be leh thuai a, "Lehkhazir te ka ngai si a, ka va haw phei phawt ang e" tih leh kawngka a chhuah chu ka rual leh nghal thuai a, nidang ang tho in ni chu a sa viau a, mahse nidang nen chuan a in ang chuang si lo, ka thu hriat chu ngaihtuah chhunzawm loh pawh duh viau mahila dik tak chuan ka ngaihtuah na luah khat tlat tu chu "Ka rai" a tih bak kha a ni thei chuang si lo, dawt ah ngaih luih sak eng ang mahila ka nat pui tho tho si ani, rei vak lo ah chuan kan in pawh ka thleng phei ve leh vat mai a, Ka nu chuan eirawng a lo bawl mek a, "Bawiha khaw nge i kal a?" Tichuan min lo bia a, "Saw tah ka leng lawk a, lehkha ka zir dawn nia chaw ei dawn ah min lo koh mai ru" tih leh ka room lam a luh chu ka rual nghal ta thuai a, rilru lak peng nan ti in lehkhazir luih chu ka tum a, mahse rilru ah a lut thei lo chiang kher mai, rei vak lo ah chuan ka phone chu a rawn ri leh ta a, Jen alo ni a, ka pickup duh lawk lo a, mahse thudik a ni emaw dawt ani emaw hriatchian chu tha zawk a ka hriat vang chuan ka pickup ta a, "J lo ngaithla hram la, ka hmangaih leh ka thian tha ber i ni a he thu hian a thawng in a ti na dawn che tih pawh ka hria a, mahse rei tak chhung chu ka in ngaihtuah tawh a, nang lo chu min pui thei tur leh hrilh ngam ka nei si lo ani" in hnit deuh faih faih chung chuan a rawn ti a, "imm sawi rawh" tih ringawt chuan ka lo chhang a, "sawi tan dan tur pawh ka thiam lo, mahse tunah hian ka hrilh lo che anih chuan ka rilru hah ka tawt lutuk hi awm dan tur pawh ka thiam tawh dawn bawk si lo a, a hmasa in ka tihpalh lutuk aw ngaihdam tlak ka ni lo tih ka hria a mahse ka tum leh ka duh reng vang ani bik lo tih chu min hriat sak la ka duh ani, nang lo chu rin leh innghahna tur ka nei bawk si lo a, a tih nat ber tur i ni tih hre mahila ka hrilh lo thei si lo che ani, Zuali birthday kan lawm zan khan i lo kal ve si lo a, kan in hauh ve deuh bawk si vang khan ka thinrim lutuk khan Beer kha ka lo in ve ringawt a, ka lu na deuh kha Zuali room lam ah ka awm bo san a, tah khan Rinmawia a lo lut ve a" a tih chuan "Duh tawk rawh" ka lo ti nghal thuai a,eng pawh ni se ngaithla tur chuan ka huaisenna leh ka theihna a awm tawh thlawt lo ani, phone chu ka off ta ringawt a, Kha mi zan khan kan in hauh ve deuh vang khan ka thinrim chuan Inkhel en chhuanlam in ka kal peih ve ta lo kha ani lo kal ve ta hle hle ila tha zawk tur kha ania a, ka phone chu a rawn ri karh a, Jen hnen atang sms ka dawng a, en hreh tak si chung chuan ka en ta a "Ka tihpalh tih bak sawi tur vak pawh ka hre lo, mahse kha tih lai khan ka ngaihtuah na ah pawh khan nangmah i awm reng tho asin" chhiar zawm zel tur chuan ka thei thlawt lo ani, chhiar zo ta lem lo chuan ka delete ta nghal ringawt a, Ni e min hmangaih ani,ka natna tur ani tih a hriat reng thil a tih lai pawn min ngaihtuah reng a, mahse a mi ngaihtuah na ringawt chuan ka natna a chhawk chuang bawk si lo ani, ka phone chu ka en a, ka wallpaper a a nui hmel mawi tak leh vawiin a ka hma ngei mai a, a tap hmel chu ka ngaihtuah kawp a ka lung chu a awi thei thlawt lo ani,na tak a min siam chung pawn ani chu ka khawngaih a, Ni e, ka hmangaih ber mai kha ka hma ah hreawm ti tak in a tap ania, ka ngaihtuah in ka khawngaih lo thei bik lo ani, chutia ngui tak leh hreawm ti tak a ka inngaihtuah lai chuan ka room kawngkhar chu a rawn ri dat dat a, "bawiha lo phei la chaw ei tawh ila , i u te ril a tan tawh ania" ka nu chuan a rawn ti a, rei vak lo ah chuan kei pawh chu ka chhuak phei ve ta thuai a...
No comments:
Post a Comment