ANGEL

        LUNGLENNA

Chaw ka ei kham chu Lehkhazir chhuanlam chuan ka room lam ah chuan ka phei leh ta nghal a, mahse lehkhazir lam reng reng chu ka rilru ah a lang thei lo a, Jen chauh chu ka ngaihtuah na ah a awm a, amah lo chu ngaihtuah dang reng reng ka nei thei lo ani, "Lawmna te Thlamuanna te hi ka tan an ni ve lo a, Lungngaihna leh Thlaphanna te hi ka tan zawk an ni" ti in ka ngaihtuah luih thin a, tichuan ka tan Lungngaihna leh Thlaphanna te ka lo tawh in tuar a awlsam phah sawt thin ani, mahse tun a ka hringnun in a hmachhawn mek hi a hnem zo chuang si lo ani.

Zan dang ah chuan tun ang hun ah chuan kan in text loh pawn Call in kan in be ngei ngei zel kha ani a, mahse zanin chu a reh ngawih ngawih a, hun te hi an ding ta tlat mai amaw tih mai tur chuan a kal muang bawk si, Sana kal ri chhet chhet te leh khuangbai hram ri te chu ka hmangaih ber tel lo chuan khawhar in khuang ri ang mai an ni si.

Jen chu ka ngai a, ka thlahlel tak zet ani, nikhat lek hmu lo leh a nui ri hre lo pawh a awm harsa ti tu hian a nui ri ai ah a tap ri chu ka hriat ani si a, ti tak a na leh hreawm hian min siam mahse amah ka ngaihna leh ka hmangaih chu ka natna chuan a hliah khuh zo bawk si lo ani, kan hun kal liam tawh kan hlimlai ni te chu ka ngaihtuah a, mahse chung chuan ka lunglenna te chu hnem ai chuan a ti zual tu mai an chang zawk bawk si.

Zan dang ah ka lo mengrei thang ve tawh bawk nen ka taksa alo chau ve deuh a, lehkha pawh chu zir ta lem lo chuan ka lo muhil ve mai a,zing ka thawh chuan a lo tlai tawh ang reng a, ka insiam nghal sawk sawk a, chaw te ei kham chuan school lam pan chuan ka chhuak ta nghal thuai a.

Ni chhuak eng mawi tak te chu mihring he ti zo zai hian hmu in thlir ho vek mahila chu ni chu kan hman dan chu a in ang vek si lo ani.

School chu ka thleng a,exam pawh chu ka huphurh tak zet ani, huphurh tak a room lam ka pan lai chuan Jen chu ka va hmu ta thut mai a, mak ka ti a, mahse eng nge mak ka tih chhan ber pawh chu ka hre lo ani, ka hmu satliah mai ani lo a, min rawn pan zawng in alo kal ani, ka bul a lo thlen chuan mi rawn be ta a.

"J biak lawk che ka duh a, a hnung lam ah sawn phei lawk ila" 

A kal nghal mai a, ka zui ve mai bawk a,  "ti tak a min la ngam tlak a min la nel chhan hi eng nge ni ang" tih te chu ka ngaihtuah a.

Mahse thil mak a ni lo e, Jennifer Lalrinzuali ka hriat thin leh ka hmangaih em em kha chu he tiang mihring hi ani, a huaisen a, zaktheilo ni lo in a hun ah chuan a zak lo thei ani.

"J ka chanchin kha nangmah chiah in i la hria a, ka nu leh pa tak ngial pawh ka la hrilh lo, exam ve phawt hi ka duh a exam zawh ah chuan ka hrilh ve tawh ngei ang mahse chu mi hma chu min zep sak thei ang tiraw?" a ti a.

"Aih" ti in ka chhang dawn lo tih a hriat chian vang ani ang hetiang thil hi min ngen ni , sawi vak tur ka hriat ve lem loh avang chuan ka lu chu ka bu nghut ringawt a, room lam chu ka pan san leh ta nghal mai a.

Exam chu kan tan a, ka lo in en lawk lo bawk nen ngaihtuah dang ka lo nghah nen ziah tur pawh chu a vang hle mai , exam mek chung chuan Jen chauh chu ka ngaihtuah a , min ti na viau mahse a tum na leh a duhna chu tih hlawhtlin sak ngei chu ka duh ani, eng pawh thleng se engmah hre lo ang a awm chu ka tum ta ringawt a, Jen chu ka va en phei a, ziah tur a hriat bik hmel mawlh mawlh hle mai, mahse kei chuan lu thak lo pui chu hiat leh nulh in ka hawi kual hruk hruk mai ani si a.

A tawp tawp ah chuan thiam vak lem lo chuan ka va dah ve ta tawp a, pawn ka chhuak chu Jen chuan min lo nghak a, engmah hre lo ang a awm chu tum in duh viau mahila a hmel ka hmuh chuan ka hre lo thei bawk si lo, a hmel ka hlimpui em em thin kha ka nat pui ta ngawih ngawih mai zawk si a.

"Min thlah haw pah la, i peih ang em?" a rawn ti a.

Dik tak chuan min ti na em em tu mah ni se a kiang a awm a hun hman chu keipawn ka thlahlel tak zet ani, ka lu chu bu nghut pah chuan kan kal rual ta nghal a.

In be lem lo chuan kan kal dun thui ta hle mai a, nidang ah chuan kan inchhaih a, in kai rial in kan haw dun thin kha ani si a, mahse vawiin chu nidang ang tho in Ni chhhuak chu a ngai ni in a hmang tu leh a hman pui pawh chu ngai mahila kan hman dan a dang ta hle mai.

"Keimah vang ti raw?"

Kei chuan hrethiam lo fe chuan "Eng maw?" Ka lo ti ve vat a.

"Vawiin khan i thiam loh hmel lutuk a, ka lo hawi phei thin a ziah tur kha i htiat loh hmel lutuk a, tum dang exam ah chuan chhan khalh hlau ni awm tak in i ziak zut zut zel kha ania, bak ah i zo har bawk si, min lo nghak ziah zawk kha ania, mahse vawiin chu ka nghah ngai in i i a ta zawk a, mahse keima thiam loh vek ani tih ka hria a, ka tihpalh tih bak hi chu i bul a sawi tur leh theih pawh ka nei ve vak tawh lo anih hi".

"Ni lo e, nangmah vang ani lo English hi chu har ka ti ve hrim hrim alawm"

A awih loh hmel chu ka hmuh hmaih loh, mahse awih lo mahse han sawi tur vak chu a hre lo aniang a ngawi zui ve ta mai bawk a, a nui hmel mawi tak chu hmu lo in vawiin pawh hun ka hmang liam leh mai dawn a ka hriat vang chuan tih nuih chu ka tum ta a, Ni e, pakhat zawk a hlim thei lo anih pawh in midang a tih hlim loh kher chu a tullo ani, thinlung tak in nui lo mahila tum hmel ai chuan nui hmel chu hmuh a la nuam zawk tho tho alawm le.

Bazar kan thlen chuan thil en kawi lawk tur chuan ka sawm a, min zui ve leh mai bawk a, harsa ti chung chung chuan kan thil en kual pah chuan ka chhaih ve ta zeuh zeuh a, awle vawiin chu a nui hmel pawh ka hmu ve leh thei ta e, min ti na em em tu nui hmel mawi tak hian eng tiang tak in nge hlimna min pek leh daih theih dan chu ka hrethiam lo kher mai, mahse a hlim hmel chauh pawh chu kei chuan ka lo hlim pui ve hle mai, kan en kual rei ve ta bawk a kan haw ta a.

An in zawn kan thlen chuan "Tluang deuh in i phei dawn nia aw" ti pah chuan a nui sak a, an in ah chuan a lut ta nghal a, kan in lam pan chuan khawhar tak chuan ka haw ve ta hnak hnak a.

Ka natna kha ka lo nuih bo pui hman tep a, a nui hmel khan min theihnghilh tir hman tep alawm, mahse ani chu ka lak atang a lak sak ni chuang si lo chuan ka ta ani thei tawh si lo, ka thlah ni si lo chuan ka chelh a rem tawh bawk si lo, mahse kei chu engtiang pawn awm mahila eng ang pawn khawhar in hreawm ti mahila ka hmangaih ber hlim nui thawm te chu bo tur chuan ka phal lo ani.

In ka thlen chuan ka nu chuan exam vel chungchang min lo zawt a tha tak a chhang chung chuan ka room lam ka pansan leh ta nghal a..